На свеце ўсякае бывае...
Бывае, снег кружляе ў маі,
Бывае, дождж пральецца ў лютым
I на рачулцы, лёдам скутай,
Ручэй імклівы ажывае.
На свеце ўсякае бывае...
Крыкун пужліва адступае,
А ціхі раптам і пануры
Закрые целам амбразуру
I ў бронзе ўзвысіцца над краем.
Галоўная » Янусь Малец
Янусь Малец
На свеце ўсякае бывае...
Гульня
Хлапчук страляе з аўтамата,
Старанна цісне на курок.
Падняў угору рукі тата
І ціха хіліцца на бок.
Смяецца сын, стралок няспынны,
Пужае гнеўна: – Хэндэ хох!
Ён з задаволенаю мінай
Глядзіць, як бацька споўз да ног.
– Капут! – крычыць. –
Ты мёртвы, татка!
І цісне руляй да зямлі.
За той гульнёй сачыла бабка,
І слёзы па шчаках цяклі.
9 мая
Радзей бярэ акардэон
І ўжо не так іграе тата,
Бо спрыту ў пальцах малавата
І на павеках вісне сон.
Але сягоння ўсё ў парадку,
Пад хатаю на лаўцы сеў,
І галасоў лагодны спеў
Паплыў пад вёску Гараватка.
У гэтай музыцы – вясна,
І смех, і плач пад небам дымным.
Сягоння тата – у Берліне,
Дзе захлынулася вайна...
Катэгорыі вершаў
Лепшыя аўтары
4.1410338225909
Галасоў: 1567. Сярэдняя: 4.14
4.3900481540931
Галасоў: 623. Сярэдняя: 4.39
4.1912225705329
Галасоў: 638. Сярэдняя: 4.19
4.1608280254777
Галасоў: 628. Сярэдняя: 4.16
4.0298507462687
Галасоў: 469. Сярэдняя: 4.03
4.4137931034483
Галасоў: 319. Сярэдняя: 4.41
4.28
Галасоў: 300. Сярэдняя: 4.28
4.1649831649832
Галасоў: 297. Сярэдняя: 4.16
3.9491525423729
Галасоў: 295. Сярэдняя: 3.95
4.6626506024096
Галасоў: 249. Сярэдняя: 4.66
Раiм наведаць
Каб дадаць спасылку
на Ваш сайт, пiшыце ў
зваротную сувязь
Што шукалi?
-