Анатоль Астрэйка

Вакол балота. Востраў Зыслаў...

 
Вакол балота. Востраў Зыслаў. I траў няскошаных журба. А ты вартуй і праўду выстай, Хаця грыміць па ёй пальба. Я ведаю, што нас не змесяць Ні бомбы, ні блакад пятля. Не першы дзень, не першы месяц Дрыжыць ад выбухаў зямля. Няхай сярод іржавай твані Не рай нам, не спакойны кут, — Ідзе народнае змаганне, Вяршым над ворагам свой суд. За ўсё фашысцкі звер заплаціць

Беларусь-партызанка

 
Мы асфальтам балоты завём І шасейнай дарогі сцяжынку. Два гады мы і косім, і жнём, Каб вялікія справіць дажынкі. Аўтаматы нам служаць касой, А сярпамі - гранаты, наганы. Не расою - варожай крывёй Акрапляюць зямлю партызаны. Там, дзе нас не чакаюць - мы там, А дзе ладзяць засаду - абыдзем. Тут усё паслухмянае нам, Нават месяц, то ўстане, то задзе. Спее волі і ўчасця прыход,

Плошча Перамогі

 
І ў будні дзень, і ў радаснае свята Сюды, да плошчы, шмат дарог вядзе Тым, што загінулі ў баях, салдатам. Народ вянкі да помніка кладзе. Стаяць на варце каля абеліска Ялінкі, што сюды з лясоў прыйшлі. Завецца плошчай Перамогі ў Мінску Мясціна дарагая на зямлі.