Каб толькі не было вайны

 
Ёсць дума дум сялян такая, Дзе б толькі ні жылі яны, Як зерняты ў зямлю кідаюць: Каб толькі не было вайны. Іду між плошчаў я і чую – На ўзлёце светлае сцяны, Ад тых, што новы дом будуюць: Каб толькі не было вайны... Я чую думы нашых матак, – Як волаты ўзраслі сыны, Іх выпраўляюць у салдаты: Каб толькі не было вайны... Людскі наказ чуваць над светам, Прасторы дзіўныя відны, Штораз вышэй лятуць ракеты: Каб толькі не было вайны... Я чую кліч: - Цярпець не будзем Мы ні разбою, ні маны! Ад нас саміх залежыць, людзі, Каб болей не было вайны!Air Jordan IX 9 Shoes